Dros bedair wythnos, bydd pobl ifanc yn defnyddio ernes £10 i gychwyn eu syniadau busnes.
Mae'n rhaglen ddifyr a rhyngweithiol iawn sy'n cyflwyno addysg ariannol a menter a gwella sgiliau allweddol, gan gynnwys cyfathrebu, creadigrwydd, datrys problemau, gwaith tîm a hyder.
Cynllun Her Pedair Wythnos
Amlinellir pedair wythnos yr Her isod:
1 - Dyma £10!
Bydd y timau'n ymchwilio ac yn penderfynu ar gynnyrch neu wasanaeth i fuddsoddi eu £10 ynddo.
2 - Dechrau Arni
Bydd angen i'r timau ddod o hyd i ddeunyddiau neu gynhyrchion, paratoi cyflwyniadau gwerthu, a chynllunio digwyddiadau gwerthu.
3 - Dal ati
Bydd y myfyrwyr yn paratoi eu cynnyrch neu wasanaeth ac yn hyrwyddo eu digwyddiadau gwerthu.
4 - Talu'n ôl a chadw'r elw
Ar ddiwedd yr Her, bydd y myfyrwyr yn penderfynu sut i wario eu helw neu ei gyfrannu fel rhodd ar ôl ad-dalu'r ernes £10 yn ogystal â chyfraniad gwaddol o £1 i gefnogi'r banc 10X.
Cystadlaethau Wythnosol
Ar ddiwedd wythnos 1 a wythnos 3, bydd y myfyrwyr yn cael cyfle i gymryd rhan mewn cystadlaethau.
Wythnos 1 - Dylunio Logo
Rydym am weld logos sy'n creu effaith ac yn cyfleu'r cynnyrch neu'r gwasanaeth i gwsmeriaid.
Wythnos 3 - Cyflwyniad Gwerthu
Dychmygwch pe byddai'n rhaid i'r myfyrwyr werthu eu cynnyrch neu wasanaeth mewn 60 eiliad yn unig. Beth fydden nhw'n ei ddweud?
Bydd y beirniaid yn chwilio am dystiolaeth o arloesedd, creadigrwydd a datrys problemau ar gyfer yr holl wobrau, ochr yn ochr â straeon am waith tîm a datblygiad personol.
Cystadleuaeth Genedlaethol
Bydd Cystadleuaeth Genedlaethol yr Her 10X yn cael ei chynnal ar ddiwedd y rhaglen pedair wythnos.
Mae pedair gwobr wahanol:
- Tîm/Busnes Gorau yn Gyffredinol
- Gorau o ran Cynaliadwyedd
- 10X er Daioni
- Unigolyn Mwyaf Ysbrydoledig
Edrychwch ar Arddangosfa 2023 yr Her 10X i gael ysbrydoliaeth
Gwyliwch y Dosbarth Meistr Rhagarweiniol i baratoi ar gyfer Her 10X 2024
Dysgwch fwy am 10X yn ein llyfryn 2022.
Gwiriwch y Telerau ac Amodau am arweiniad ar gynhyrchion a gwasanaethau y gellir eu masnachu o dan yswiriant Young Enterprise. Mae'n rhaid i sefydliadau sicrhau bod ganddynt yswiriant priodol ar waith ar gyfer cynhyrchion a gwasanaethau nad ydynt yn dod o dan bolisi yswiriant Young Enterprise.
Chwilio am rywbeth y gallwch chi a'ch pobl ifanc ei wneud cyn i'r Her ddechrau?
Beth am edrych ar ein hadnoddau DIY a chynllun gwers 10X. Mae'r adnoddau hyn yn cynnig ffordd hawdd i bobl ifanc gymryd eu camau cyntaf mewn addysg ariannol a menter a'u paratoi ar gyfer yr Her 10X.